Çin Xalq Respublikasının sədri Si Cinpin Kommunist Partiyasının ölkə iqtisadiyyatı üzərində nəzarətini gücləndirəcəyinə söz verib.
SİA-nın əldə etdiyi məlumata görə, bu barədə mayın 5-də “Bloomberg” yazıb.
Beləliklə, qrupun cümə günü keçirilən ilk iclasında siyasətçi Maliyyə və İqtisadi Məsələlər üzrə Mərkəzi Komissiyanın əsas iqtisadi siyasətin müəyyən edilməsində öz rolunu oynamağa davam edəcəyini bildirib.
Komissiyaya rəhbərlik edən Si Cinpin partiyanın iqtisadi işlərə mərkəzləşdirilmiş və vahid rəhbərliyini gücləndirilərək təkmilləşdirəcəyini vəd edib.
Jurnalistlərin qeyd etdiyi kimi, siyasətçi partiyanın ölkə həyatının bütün sahələrində təsirini gücləndirməyi planlaşdırır. O, həm də daxili tələbatın artırılmasını, sənaye sektorunun modernləşdirilməsini ön plana çıxaran iqtisadiyyatın keyfiyyətcə yüksəlişini təkid edir.
Agentliyin məlumatına görə, Çin hakimiyyəti gələcək inkişafda və beynəlxalq rəqabətdə strateji üstünlükləri qorumaq üçün "tam, qabaqcıl və təhlükəsiz" müasir sənaye sisteminin yaradılmasını sürətləndirməyə söz verib. Çin rəhbəri həmçinin böyük texnoloji nailiyyətlərə nail olmaq üçün daha çox səy göstərməyin vacibliyini vurğulayıb.
Qeyd edilməlidir ki, Çinin ümumi daxili məhsulu birinci rübdə illik ifadədə 4,5 faiz artıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB