“Polşa hərbi səyləri artırmaq yolundadır... Onlar Rusiyaya qarşı açıq düşmənçilik hərəkətləri həyata keçirirlər. Son hadisələr isə birbaşa Putinə çağırışdır”
SİA-nın rus saytlarından əldə etdiyi məlumata görə, bunu Leonid Kuçmanın keçmiş müşaviri Oleq Soskin YouTube kanalında bildirib.
Soskin Polşanın Rusiya ilə birbaşa hərbi toqquşmaya təhrik edildiyini bildirib(?).
O, Polşanın Rusiya ilə birbaşa qarşıdurmaya hazırlaşmaq üçün silah alması və ordusunun sayını artırması fikrini də bildirib. Soskinin sözlərinə görə, hazırda Polşa tərəfi Rusiya diplomatik missiyasına qarşı təxribat xarakterli siyasət aparır.
Bundan əvvəl Rusiyanın Varşavadakı səfiri Sergey Andreev Rusiyanın Polşadakı səfirliyinin nəzdindəki məktəbin mayın 10-da başqa binada fəaliyyətini bərpa edəcəyini bildirmişdi.
Onun sözlərinə görə, Rusiya səfirliyi Polşa hakimiyyəti tərəfindən rus məktəbinin binasını ələ keçirdikdən sonra Moskvanın istənilən qərarına hazırdır.
Xatırladaq ki, Rusiya Təhlükəsizlik Şurasının sədr müavini Dmitri Medvedev, Polşada rusofobların hakimiyyətdə olduğu bir vaxtda Moskvanın Varşava ilə münasibətlərini davam etdirməsinin mənasız olduğunu bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB