Aprelin 15-dən Sudanda ordu ilə xüsusi təyinatlılar (HDK) arasında baş verən qarşıdurmalar səbəbindən ölkədəki Türkiyə vətəndaşlarının təxliyəsi davam edir. SİA bu barədə Tükiyə saytlarına istinad edir.
Diplomatik mənbələrdən əldə edilən məlumata görə, aprelin 23-ü günorta saatlarından əvvəl paytaxt Xartumun cənub-şərqindəki Vad Mədəni şəhərindən 140 nəfər təxliyə edilib.
Xartumda Afrika küçəsində yerləşən otelə toplaşan 500-ə yaxın Türkiyə vətəndaşı axşam saatlarında 10 avtobusla ölkəyə yola düşüb.
Paytaxtın şimalında, Kafuri rayonundakı Xartum səfirliyi tərəfindən müəyyən edilən digər toplaşma bölgəsindəki təqribən 400 vətəndaş, yerdəki təhlükəsizlik şərtləri nəzərə alınmaqla, mümkün qədər tez təxliyə ediləcək.
Türkiyə vətəndaşları Efiopiyanın paytaxtı Əddis-Əbəbədən hava yolu ilə İstanbula gətiriləcək .
Türkiyənin təxliyyə karvanında Azərbaycan, Yaponiya, Çin, Meksika, Yəmən kimi bir çox ölkənin vətəndaşları da iştirak edib.
Prezident Rəcəb Tayyib Ərdoğan aprelin 20-də Sudan Suverenlik Şurasının sədri və ordu komandanı general Əbdülfəttah əl-Burhan və Sudan Suverenlik Şurasının sədr müavini, xüsusi təyinatlıların komandanı Məhəmməd Həmdan Daqalu ilə ayrı-ayrılıqda telefon danışığı aparıb.
Xarici işlər naziri Mövlud Çavuşoğlu aprelin 22-də Sudanın xarici işlər naziri Əli əs-Sadiq ilə telefon danışığı aparıb.
Bir çox ölkə vətəndaşlarının təxliyəsi üçün Türkiyədən kömək istəyib.
Sudanda ordu ilə HDK arasında qarşıdurma ikinci həftəsinə daxil olub.
Ordu ilə üsyançılar arasında baş verən qarşıdurmada 15 apreldə paytaxt Xartum və digər şəhərlərdə baş verən qarşıdurmalarda 413 nəfər həyatını itirib, 3551 nəfər isə yaralanıb.
Bütün xəbərlər Facebook səhifəmizdə
USD
EUR
GBP
RUB