Krasnodarın beş yüzdən çox (əslində bu rəqəm doğru deyil-A.B.) müsəlmanı Fitr bayramını qarşılayaraq küçədə namaz qılmağa məcbur olub.
Qeyd edək ki, yerli möminlər artıq bir neçə ildir ki, milyonlarla insanın yaşadığı şəhərdə rəsmi məscidin açılmasını istəyirlər.
Messengerlərdə dərc olunan fotolara əsasən, bayram namazı “German Village” mikrorayonunda son yağışdan sonra yaranmış rütubətli yerdə qılınıb.
Onu da qeyd edək ki, Krasnodardakı qeyri-rəsmi məscid Zapadnaya küçəsindəki bağ şərikliyinin ərazisində yerləşir. Ən yaxın məscid Krasnodarın ətrafında - Yablonovski kəndində yerləşir, lakin bu, Adıgey ərazisidir və bəzən hamını qəbul etmir.
Bunu adının çəkilməsini istəməyən Krasnodar müsəlmanlarından biri deyib.
Krasnodar hakimiyyəti illərdir ki, şəhərdə rəsmi məscid tikmək barədə düşünməyə söz verib, lakin məsələ həllini tapmayıb. Ekspertlər bəyan ediblər ki, Krasnodar diyarında məscidlərin tikintisinə sözsüz qadağa qoyulub.
Aprelin 21-də dünya müsəlmanları müqəddəs Ramazan ayında oruc tutduqdan sonra iftar bayramı olan Fitr bayramını (Ramazan bayramı) qeyd edirlər. Bu gün Çeçenistan, Başqırdıstan, İnquşetiya, Dağıstan, Tatarıstan, Qaraçay-Çərkəz, Adıgey və Kabardin-Balkariyada bayram elan edilib. Rusiya müsəlmanlarını Fitr bayramı münasibətilə regional liderlər, eləcə də prezident Vladimir Putin təbrik edib.
Yeri gəlmişkən, son 20 ildə Rusiyanın müxtəlif şəhərlərində məscidlərin tikintisinə etirazlar yaranıb, lakin dini binanın görkəminin şübhəsiz ki, “vəhhabiləri”, “miqrantları” və ya “terrorçuları” cəlb edəcəyi tezisi onlarda dəyişməz olaraq qalıb.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB