Yəmənin paytaxtı Sana şəhərində xeyriyyə aksiyası zamanı izdiham yaşanıb. SİA xarici mətbuata istinadən xəbər verir ki, hadisə nəticəsində 80-ə yaxın şəxs həlak olub, onlarla insan isə yaralanıb. Yaralılardan 13-nün vəziyyətinin ağır olduğu bildirilir.
Məlumata görə, insanlar zəkat almaq üçün paytaxtın Bab-el-Yəmən bölgəsində toplaşıb. Hadisə şahidlərinin sözlərinə görə, ilk olaraq atəş səsləri eşidilib, daha sonra isə qısa qapanma baş verib və işıqlar sönüb. Bu isə oraya toplaşanlar arasında həyəcana və izdihama səbəb olub.
Hazırda insidentlə bağlı araşdırma aparılır. Xeyriyyə aksiyasını təşkil edən iki nəfər saxlanılıb.
Bütün xəbərlər Facebook səhifəmizdə
USD
EUR
GBP
RUB