2023-cü ilin martında Rusiyanın neft ixracı Qərbin sanksiyalarına baxmayaraq, son üç ilin ən yüksək səviyyəsinə yüksəlib. Bununla belə, onun gəlirləri kəskin şəkildə azalıb. Bu barədə Beynəlxalq Enerji Agentliyinin aylıq icmalında bildirilir.
Beynəlxalq Enerji Agentliyinin məlumatına görə, fevral ayına qədər Rusiya neftinin ümumi tədarükləri gündə səkkiz milyon barelə, tədarüklər isə üç milyon barelə yüksəlib. Bu, aylıq gəliri təxminən 13 milyard dollara qədər artırdı. Lakin bu, ötən ilin mart ayı ilə müqayisədə 43faiz azdır.
Agentliyin analitikləri 2023-cü ilin sonuna qədər qlobal neft tələbinin gündəlik rekord həddə - 102 milyon barrelə çatacağını gözləyirlər. Beynəlxalq Enerji Agentliyinın proqnozuna görə, artımın 90 faizə qədəri bütün koronavirus məhdudiyyətlərini ləğv edən Çin tərəfindən təmin ediləcək. Beynəlxalq Enerji Agentliyinın analitikləri hesab edirlər ki, eyni dövrdə OPEC+ tərəfindən elan edilən hasilatın azaldılması qlobal tədarükü sutkada 400 min barel azaldacaq və kartelə daxil olmayan ölkələrin hasilat artımı məcmu rəqəmin azalmasını kompensasiya etmir.
Aprelin əvvəlində Rusiya neft hasilatının könüllü şəkildə azaldılmasını gündə yarım milyon barellə ilin sonuna qədər uzadıb. Səudiyyə Ərəbistanı may ayından etibarən hasilatı eyni miqdarda azaltmaq qərarına gəlib. Digər OPEC+ üzvləri də hasilatı azaltmağa söz veriblər ki, bu da ümumilikdə hasilatın sutkada bir yarım milyon bareldən çox azalmasına səbəb olacaq.
Agentliyin məlumatına görə, İqtisadi Əməkdaşlıq və İnkişaf Təşkilatına üzv ölkələrin sənaye ehtiyatları yanvar ayında 2,8 milyard barelə çatıb ki, bu da 2021-ci ilin iyulundan bəri ən yüksək səviyyədir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB