Pentaqonun sızdırılmasında şübhəli bilinən şəxs Federal Təhqiqat Bürosu (FTB) tərəfindən həbs edilib. SİA-nın əldə etdiyi məlumata görə, bu barədə aprelin 13-də ABŞ Federal Təhqiqatlar Bürosunun bəyanatına istinadən “Fox News” telekanalı məlumat yayıb.
Beləliklə, Federal Təhqiqat Bürosu Pentaqondan məlumat sızması ilə bağlı şübhəli şəxsi həbs edib. Onun adı çəkilmir, lakin saxlanılmanın Massaçusets ştatının Şimali Daytona şəhərindəki evdə aparılan axtarışdan sonra həyata keçirildiyi qeyd edilir.
“Həbsi həyata keçirən Federal Təhqiqat Bürosu Massaçusets ştatının Şimal Deyton şəhərindəki yaşayış binasında səlahiyyətli hüquq-mühafizə tədbirlərini həyata keçirməyə davam edir”, - nəşr yazır.
Milli Qvardiyanın Hərbi Hava Qüvvələri üzvünün Pentaqona məlumat sızması ilə bağlı həbsini şübhəlinin adını çəkən Ədliyə Naziri və baş prokuror Merrik Qarland təsdiqləyib.
“Bu gün ABŞ Ədliyyə Departamenti milli müdafiə ilə bağlı məxfi məlumatların icazəsiz çıxarılması, saxlanması və yayılması ilə bağlı aparılan təhqiqatla əlaqədar Cek Duqlas Teyşeyranı həbs edib”.
Qeyd edək ki, rus saytları Teyşeyranı həbs edən Federal Təhqiqat Bürosu əməkdaşlarının heç bir insidentlə qarşılaşmadıqlarını da bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB