İordan çayının qərb sahilinin şimalındakı Hamra qəsəbəsi yaxınlığında həyata keçirilən silahlı hücumda 2 israilli ölüb, 1 İsrailli yaralanıb. SİA bu barədə Tükiyə saytlarına istinad edir.
İsrail polisinin aprelin 4-də təravih namazından sonra Şərqi Qüdsdəki Əqsa məscidinə basqın etməsi, məscidə sığınan fələstinlilərə sərt müdaxilə etməsi və Qəzzaya hava zərbələri endirməsi gərginliyi artırıb.
Məlumata əsasən, İordan çayının qərb sahilində yəhudilərin yaşadığı Hamra qəsəbəsi yaxınlığında avtomobilə silahlı hücum təşkil edilib.
İsrail Milli Fövqəladə Hallar Xidməti tərəfindən verilən açıqlamada hücumda 20 yaşlarında iki israilli yeniyetmənin öldüyü bildirilib. Məlumatda həmçinin hücum nəticəsində bir nəfərin də ağır yaralandığı və helikopterlə xəstəxanaya aparıldığı qeyd olunub.
Bütün xəbərlər Facebook səhifəmizdə
USD
EUR
GBP
RUB