Amerika Birləşmiş Ştatları (ABŞ) Senatı fevralın 6-da Kahramanmaraş mərkəzli zəlzələdən zərər çəkmiş Türkiyə və Suriyaya başsağlığı verildiyi və yenidənqurma işlərinə dəstək çağırışlarının edildiyi qətnamə layihəsini qəbul edib. SİA bu barədə Tükiyə saytlarına istinad edir.
Qətnamə layihəsində dağıdıcı zəlzələlərdən zərərçəkən “NATO müttəfiqi Türkiyə və Suriyaya başsağlığı verilib. Zəlzələlərin 1939-cu ildən bəri Türkiyədə baş verən ən güclü zəlzələlər olduğu, çox sayda insanın həyatını itirdiyi, minlərlə insanın zərər çəkdiyi xatırladılıb.
ABŞ-ın zəlzələlərdən zərər çəkmiş Türkiyə və Suriya xalqına dəstəyinin də qeyd edildiyi qətnamədə senatorlar ABŞ hökumətini Türkiyenin yerli hakimiyyət orqanları və Suriyadakı beynəlxalq səviyyədə tanınmış qurumlarla koordinasiyalı şəkildə yenidənqurma səylərini dəstəkləməyə çağırıblar.
ABŞ hökumətinin NATO müttəfiqi Türkiyeyə axtarış-xilasetmə, yanğınsöndürənlər, struktur mühəndisləri, tibb işçiləri və ləvazimatları və texniki ekspert dəstəyi verməyə dəvət olunduğu qətnamə layihəsində BMT Təhlükəsizlik Şurası suriyalılara yardımların çatdırılması üçün alternativ sərhəd keçidlərinin təmin edilməsi və Suriyanın şimalındakı zorakılığın dərhal dayandırılmasına çağırılıb.
Türkiyənin Vaşinqtondakı səfirliyinin tvitter hesabında edilən paylaşımda Senat üzvlərinə Türkiyəyə verdikləri dəstəyə görə təşəkkür edilib.
Xatırladaq ki, fevralın 28-də Konqresin digər qanadı olan Nümayəndələr Palatasında da zəlzələdən zərərçəkən Türkiyə və Suriyaya başsağlığı verildiyi, ABŞ-ın Türkiyə və Suriya xalqına verdiyi dəstəyi təqdir edən və Əsəd rejiminin BMT yardımlarının ölkənin şimalındakılara çatmasına mane olan hərəkətlərinin pisləndiyi qərar layihəsi qəbul edilib.
Bütün xəbərlər Facebook səhifəmizdə
USD
EUR
GBP
RUB