Prezident Rəcəb Tayyib Ərdoğanın dəvəti ilə paytaxt Ankaraya gələn Katalin Novak müşaiyətindəki heyətlə Anıtqəbirdə Qazi Mustafa Kamal Atatürkün məqbərəsinə əklil qoyub, Ulu Öndərin əziz xatirəsini bir dəqiqəlik sükutla yad edib. SİA bu barədə Tükiyə saytlarına istinad edir.
K.Novak Anıtqəbir xatirə dəftərinə bunları yazıb:
“Türkiyə Cümhuriyyətinin banisi Mustafa Kamal Atatürkün xatirəsi qarşısında səmimi duyğularımla dərin ehtiramımı bildirirəm.
Atatürkün dövlət quruculuğu fəaliyyəti bütün macar və türk xalqları üçün örnəkdir. Əgər onun Macarıstan-Türkiyə münasibətlərini yaxşılaşdırmaq səyləri olmasaydı, bu gün xalqlarımız arasında qardaşlıq və müttəfiqlik əlaqələri bu qədər güclü olmazdı.
Macarıstan və Türkiyə Cümhuriyyəti arasında ilk beynəlxalq müqavilənin imzalanmasının 100-cü ildönümünə yaxınlaşdığımız bir vaxtda, düşünürəm ki, birinci əsrdə olduğu kimi qarşıda bizi ən azı 100 uğurlu il gözləyir".
Novak Anıtqəbirə səfərindən sonra Prezident İqamətgahında Prezident Rəcəb Tayyib Ərdoğan tərəfindən rəsmi mərasimlə qarşılanacaq.
Görüşlərdə Türkiyə-Macarıstan münasibətləri müxtəlif aspektlərdə nəzərdən keçiriləcək, əməkdaşlığın yaxşılaşdırılması üçün atılacaq addımlar müzakirə olunacaq.
Görüşlərdə ikitərəfli münasibətlərlə yanaşı, Türkiyə-Avropa İttifaqı münasibətləri, aktual regional və qlobal problemlər ətrafında fikir mübadiləsinin aparılması nəzərdə tutulur.
Bütün xəbərlər Facebook səhifəmizdə
USD
EUR
GBP
RUB