“Nüvə silahları ilə bağlı artan gərginlik narahatlıq doğurur”.
SİA-nın əldə etdiyi məlumata görə, bu barədə BMT-nin sözçüsü Stefan Dujarrik jurnalistlərə açıqlamasında deyib.
O, Rusiyanın Belarusa taktiki nüvə silahı yerləşdirmək planı pisləyib.
Sözçü qeyd edib ki, BMT-yə üzv bütün dövlətlər Nüvə Silahlarının Yayılmaması Müqaviləsinə əməl etməlidir: "Nüvə silahları riskləri qəbulolunmazdır. Gərginliyi artıracaq hər hansı hadisə və ya hərəkətdən çəkinmək lazımdır. Bütün ölkələr Nüvə Silahlarının Yayılmaması Müqaviləsinin öhdəlik və vəzifələrini yerinə yetirməlidirlər".
Ukraynanın BMT Təhlükəsizlik Şurasının fövqəladə iclas çağırışı ilə bağlı Dujarrik görüşün bu həftə baş tutacağı barədə məlumatı da paylaşıb.
BMT-nin Cenevrə Ofisinin İnformasiya Bölməsinin Mətbuat və Xarici Əlaqələr Departamentinin rəhbəri Rolando Qomez də həftəlik mətbuat konfransında Rusiyanın Belarusda taktiki nüvə silahı yerləşdirmək planı ilə bağlı suala "Nüvə silahlarının yayılması ciddi narahatlıq doğurur. Nüvə Silahlarının Yayılmaması Müqaviləsi çərçivəsində üzərinə düşən öhdəlikləri yerinə yetirmək hər bir üzv dövlətin məsuliyyətidir. Biz bu vəziyyəti çox diqqətlə izləyirik" cavabını verib.
Qeyd edək ki, Rusiya prezidenti Vladimir Putin martın 25-də Belarusda taktiki nüvə silahı yerləşdirəcəklərini bəyan edərək, “Biz bunu nüvə silahlarının yayılmaması ilə bağlı beynəlxalq öhdəliklərimizi pozmadan edəcəyik” deyib.
NATO və Avropa İttifaqı (Aİ) Rusiyanın bu qərarını “məsuliyyətsiz” hesab etdiklərini bəyan ediblər.
Ukrayna Xarici İşlər Nazirliyi də BMT Təhlükəsizlik Şurasının növbədənkənar iclasının keçirilməsini tələb edib.
Bütün xəbərlər Facebook səhifəmizdə
.jpg)
.jpg)
.jpg)
.jpg)
.jpg)
.jpg)
USD
EUR
GBP
RUB
