Türkiyə Böyük Millət Məclisinin (TBMM) sədri Mustafa Şentop terror təşkilatı PKK/YPG üzvlərinin Fransa Senatında ev sahibliyi edilməsi və terrorçulara medal verilməsinə münasibət bildirib. SİA bu barədə Tükiyə saytlarına istinad edir.
Mustafa Şentop sosial media hesabında etdiyi paylaşımda Türkiyənin milli təhlükəsizliyinə təhdid təşkil edən terror təşkilatının Fransa Senatında ev sahibliyi edilməsinin çox dəhşətli olması ilə yanaşı təəccüblü olmadığını vurğulayıb.
Fransanın daha əvvəl terror təşkilatı DEAŞ başda olmaqla, açıq və ya gizli şəkildə terror təşkilatları ilə əlaqələrinin şahidi olduğunu xatırladan Şentop deyib:
"Parlamentin sədri kimi deməliyəm ki, bir ölkənin parlamentində terror təşkilatının üzvlərini qəbul etməsi həmin qurumun nüfuzunu zəiflədir. Terror təşkilatı PKK-nın Suriyadakı qollarının bir millət vəkili vasitəsilə açıq şəkildə tərəfini tutduğunu bütün dünyaya göstərən Fransadan hüquqa, insanlığa və müasir etibarlı dövlət olmağın tələblərinə uyğun davranmasını gözləyirik”.
Ədalət və İnkişaf Partiyasının sədr müavini və partiya sözçüsü Ömər Çelik də sosial media hesabında terror təşkilatı PKK/YPG üzvlərinin Fransa Senatında qəbul edilməsinin Fransa üçün utancverici olduğunu bildirərvk deyib:
"Bu həm də Türkiyə-Fransa dostluğunu hədəf alan təxribat xarakterli bir hərəkətdir. Bu biabırçılığı sərt şəkildə qınayırıq".
Milli Müdafiə Nazirliyi də terror təşkilatı PKK/YPG üzvlərini Fransa Senatında qəbul etməsinə reaksiya verib.
Nazirlikdən verilən açıqlamada qeyd olunub:
"NATO üzvü Fransanın parlamentində qanlı PKK/YPG terror təşkilatının nümayəndələrinin qəbul edilməsi parlamentin ləyaqətini alçaldır. Bu addım həm müttəfiqlik ruhuna ziddir, həm də NATO-nun terrorla mübarizəsini içini boşaldır. Hər halda, Türkiyə Silahlı Qüvvələri bütün terror təşkilatlarına qarşı mübarizəsini fasiləsiz davam etdirəcəkdir".
Bütün xəbərlər Facebook səhifəmizdə
.jpg "Baş Nazir Qərar Verdi! - NƏ OLACAQ?")
USD
EUR
GBP
RUB