Fevralın 6-da Kahramanmaraşda baş verən zəlzələdən sonra aparılan işlərə dəstək məqsədilə Pakistandan göndərilən çadırları daşıyan təyyarələr Adanaya çatıb.
SİA bu barədə Tükiyə saytlarına istinad edir.
Pakistan hökumətinin 50 min çadır daşımaq üçün həyata keçirdiyi “xüsusi uçuş əməliyyatı” çərçivəsində Lahor və İslamabaddan havaya qalxan və ümumilikdə 5 min 577 çadır daşıyan 4 təyyarə Adana hava limanına eniş edib.
Bu arada eyni əməliyyat çərçivəsində Lahordan havaya qalxan və 1350 çadır daşıyan təyyarənin martın 23-də axşam saatlarında hava limanına endiyi öyrənilib.
Qış şəraitinə və yanğına davamlı çadırlar təyyarələrdən götürülərək zəlzələdən zərər çəkmiş şəhərlərə göndərilib.
İki ölkə arasında humanitar yardım materiallarının çatdırılması üçün qurulan hava körpüsü ilə Pakistandan gələn 35 təyyarə ilə təxminən 46 min çadırın Türkiyəyə daşınması tamamlanıb.
Bütün xəbərlər Facebook səhifəmizdə
USD
EUR
GBP
RUB