Türkiyədə qarşıdan gələn prezident seçkilərində hazırkı prezident Rəcəb Tayyib Ərdoğanın əsas rəqibi, Cümhuriyyət Xalq Partiyasından namizəd olan Kamal Kılıçdaroğlu ötən gün başlayan seçki kampaniyası çərçivəsində Türkiyənin Rusiya ilə münasibətlərinin pisləşməsi üçün heç bir səbəb görmədiyini bildirib.
Onun sözlərinə görə, yaxın gələcəkdə Moskva ilə Ankara arasında təmaslar yalnız intensivləşəcək, çünki onlar qarşılıqlı hörmətə əsaslanır və hər iki dövlətin maraqlarına cavab verir.
Kamal Kılıçdaroğlu Rusiyanı Türkiyənin mühüm qonşusu və regional məsələlərdə tərəfdaşı hesab etdiyini vurğulayıb. O, iki ölkənin müxtəlif mövzularda fərqli baxışlarının ola biləcəyini qeyd edərək, hər şeydən sonra iki dövlətin Yaxın Şərqdə sabitliyi birgə təmin etdiyinə diqqət çəkib.
Bu baxımdan o, Türkiyə ilə Rusiya arasında ixtilaf perspektivini rədd edib, çünki iki ölkə arasında dialoq qarşılıqlı hörmət prinsiplərinə əsaslanır. Buna görə də, Kamal Kılıçdaroğlu onun yaxın gələcəkdə güclənəcəyinə əminliyini ifadə edib.
SİA-nın əldə etdiyi məlumata görə, “Medya Günlüğü” portalından politoloq Aydın Sezərlə söhbətində müxalifətdən olan namizəd Türkiyə ilə Rusiya arasında uzunmüddətli konstruktiv təmas ənənələrinə diqqət çəkib.
Onun dediyinə görə, hələ sovet illərində Ankara sənaye tikintisində, o cümlədən metal emalı sahəsində Moskvadan yardım alıb.
Bundan əlavə, o xatırladıb ki, hazırda Türkiyənin enerji istehlakı strukturunda Rusiya tədarükləri əhəmiyyətli paya malikdir. Belə ki, ruslar türk kurortlarına turist axınına görə ənənəvi olaraq birinci yeri tuturlar.
Və Türkiyənin kənd təsərrüfatı məhsullarına Rusiyada böyük tələbat var.
Beləliklə, Kamal Kılıçdaroğlu həm Ankara, həm də Moskvanın dialoqu ən yüksək müsbət səviyyədə saxlanmasında maraqlı olduğunu bildirib.
Əli Babayev
Bütün xəbərlər Facebook səhifəmizdə
USD
EUR
GBP
RUB