Avropalılar üçün kahı və pomidorları şalgamla əvəz etmək üçün səlahiyyətlilərin tövsiyələrinə əməl etmək çətin olacaq, çünki onları almaq üçün Rusiyaya gəlməli olacaqlar.
SİA-nın əldə etdiyi məlumata görə, bu fikri bu gün Rusiya sənayeçiləri və sahibkarlarının qurultayında çıxışı zamanı Rusiya prezidenti Vladimir Putin deyib.
Beləliklə, Rusiya Sənayeçilər və Sahibkarlar İttifaqı konqresində çıxışı zamanı Vladimir Putin bir il əvvəl Rusiyanın istehlak sektorundakı depressiya və tənəzzül, o cümlədən mağazalardakı boş rəflər, hər hansı malların qıtlığı və s. ilə bağlı səsləndirilən Qərbin peyğəmbərliklərini xatırladıb.
Putinə görə, amma işlər başqa cür oldu. Və bu gün artıq Qərbdə Rusiyanın istədiyi problemlərlə üzləşən Avropa hakimiyyəti öz vətəndaşlarına qıt olan ərzaqları başqaları ilə əvəz etməyi təklif edir.
Rusiya prezidentinin fikrincə, hazırda Avropada iş o yerə çatıb ki, Qərbdəki ölkə rəhbərləri öz vətəndaşlarına kahı və pomidor əvəzinə şalgama keçməyi təklif edirlər. Doğrudur şalgam yaxşı məhsuldur, amma yəqin ki, şalgam almağa da harasa getməli olacaqlar.
Xatırladaq ki, Britaniya, İspaniya və Şimali Afrikada soyuq hava səbəbindən məhsul çatışmazlığı, o şümlədən kahı və pomidor qıtlığı yaranıb.
SİA-nın əlavəsi olaraq bildirək ki, şalgam kələmçiçəyi fəsiləsinə aid bitkidir. Daha çox Türkiyənin cənub bölgələrində istifadə olunur. Qeyd edək ki, şalğam qırmızı rəngli, bulanıq və meyxoş olur. Bundan əlavə, şalğamın acı və şirin növləri var.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB