İsrail İctimai Yayım Təşkilatının (KAN) xəbərinə görə, Səudiyyə Ərəbistanı Dünya Turizm Təşkilatının konfransına dəvət edilən İsrail nümayəndə heyətinə viza verməkdən imtina edib.
Amerikanın "Bloomberg" telekanalının xəbərində Ər-Riyad rəhbərliyinin bu münasibətə heç bir səbəb göstərmədiyi və BMT-nin “təşkilatın bütün üzvlərinə bərabər münasibət” tələbinə baxmayaraq belə bir yol izlədiyinə diqqət çəkilib. Səudiyyə Ərəbistanıdan mövzu ilə əlaqəli rəsmi açıqlama verilməyib.
SİA-nın əldə etdiyi məlumata görə, Səudiyyə Ərəbistanının ev sahibliyi etdiyi Dünya Turizm Təşkilatının iki gün davam edəcək konfransı dünən öz işinə başlayıb. Səudiyyə Ərəbistanı ilə İran arasında 7 illik fasilədən sonra martın 10-da diplomatik münasibətlərin bərpasına dair razılaşmanın diplomatik əlaqələri olmayan İsrail ilə Səudiyyə Ərəbistanı arasındakı “normallaşma imkanlarına” mənfi təsir göstərəcəyi gözlənilir.
Bütün xəbərlər Facebook səhifəmizdə
USD
EUR
GBP
RUB