Belarus prezidenti Tehrana rəsmi səfərə gedib. Burada o, ölkənin birinci şəxsləri ilə görüşlər keçirəcək. Danışıqların gündəliyində İran və Belarus arasında ticarət-iqtisadi əməkdaşlığın inkişafı vurğulanmaqla qarşılıqlı fəaliyyətin bütün sahələrinin müzakirəsi var.
SİA-nın əldə etdiyi məlumata görə, Belarus liderinin İranda iranlı həmkarı İbrahim Rəisi, İslam Respublikasının ali lideri Əli Xamenei ilə görüşəcəyi planlaşdırılır.
Bundan əlavə, icra və qanunvericilik orqanlarının ən yüksək nümayəndələri ilə danışıqların aparılması planlaşdırılır.
Görüşlərin gündəliyinə Belarus və İran arasında ikitərəfli münasibətlərin bütün spektri üzrə əməkdaşlığın inkişafı daxildir. Danışıqlar prosesində əsas diqqət ticarət-iqtisadi əməkdaşlığın genişləndirilməsi və intensivləşdirilməsinə yönəldiləcək. Xüsusilə, sənaye, kənd təsərrüfatı, nəqliyyat və logistika sahələrində layihələrin inkişafı müzakirə olunacaq.
Lukaşenkonun İrana səfərinin ən mühüm hadisələri arasında iki ölkə arasında hərtərəfli əməkdaşlıq üçün hərtərəfli yol xəritəsinin imzalanması da olmalıdır.
Qeyd edək ki, İran və Belarus iqtisadi əməkdaşlığı genişləndirmək niyyətindədirlər.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB