Birləşmiş Millətlər Təşkilatının (BMT) baş katibi Antonio Quterreş Suriyadakı vətəndaş müharibəsinin 12-ci ildönümündə sülhlə bağlı çağırış edib.
SİA-nın əldə etdiyi məlumata görə, Antonio Quterreş Suriyadakı vətəndaş müharibəsinin12-ci ildönümü ilə bağlı bəyanat yayıb.
Fevralın 6-da baş verən zəlzələ səbəbindən Suriyada xalqın yeni faciə ilə üzləşdiyini deyən Antonio Quterreş humanitar yardıma olan ehtiyacın münaqişə başlayandan bəri ən yüksək həddə çatdığına diqqət çəkib.
Antonio Quterreş humanitar yardım əməliyyatlarının maneəsiz davam etdirilməsinin böyük əhəmiyyət kəsb etdiyini bildirib.
"BMT Təhlükəsizlik Şurasının 2254 saylı qətnaməsinə uyğun olaraq Suriyadakı tərəflər və beynəlxalq tərəfdaşlarla birlikdə atılacaq konkret addımların davamlı sülhün bərqərar olunmasına öz töhfəsini verəcəyinə inanıram'',-deyə Antonio Quttereş vurğulayıb.
Ölkə daxilində atəşkəsi təmin etmək, Suriya xalqının qanuni tələblərini yerinə yetirmək və qaçqınların könüllü, təhlükəsiz və ləyaqətli şəkildə geri qayıtmasını təmin etmək üçün “birgə hərəkət etməyin vaxtı” olduğunu bildirən Antonio Quterreş BMT-nin Suriyanın suverenliyini, müstəqilliyini, birlik və ərazi bütövlüyünü dəstəklədiyini qeyd edib.
Bütün xəbərlər Facebook səhifəmizdə
USD
EUR
GBP
RUB