Sanksiyaya məruz qalan rusiyalıların əmlakını bloklayan beynəlxalq qrup REPO bir il ərzində 58 milyard dollardan çox olan aktivləri dondurub.
SİA-nın xarici qaynaqlardan əldə etdiyi məlumata görə, bu barədə ABŞ Maliyyə Nazirliyinin saytında dərc olunan qrup üzvlərinin birgə bəyanatında deyilir.
Qrup ABŞ, Avstraliya, Böyük Britaniya, Almaniya, İtaliya, Kanada, Fransa, Yaponiya hökumətləri və Avropa Komissiyası arasında aktivlərin dondurulması səylərini birləşdirir.
Qeyd edək ki, martın 9-da keçirilən görüşdə nümayəndələr sanksiyaya məruz qalan aktivləri tapmaq üçün səyləri "ikiqat azaltmağa" razılaşıblar.
Yeri gəlmişkən, Rusiya Elitaları, Proksiləri və Oliqarxları üzrə Beynəlxalq Əməliyyat Qrupu 17 mart 2022-ci ildə yaradılıb. Qrup hesablardakı pullarla yanaşı, rusiyalı milyarderlərin bir neçə yaxtasını, evlərini və onlara məxsus sənət obyektlərini də dondurub.
REPO-nun bəyanatında qeyd olunur ki, dondurulmuş vəsaitin bir hissəsi Ukraynaya beynəlxalq yardıma yönəlib. Söhbət rusiyalı iş adamı Konstantin Malofeyevin əlindən alınan 5,4 milyon dollarlıq əmlakdan gedir.
Beləliklə, dondurulmuş vəsaitin 0,01 faizindən də az hissəsi Kiyevə göndərilib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB