Gürcüstan hökuməti yavaş-yavaş eks-prezident Mixail Saakaşvilini öldürür. SİA-nın əldə etdiyi məlumata görə, bu barədə Ukraynanın xarici işlər naziri Dmitri Kuleba Ukrayna mətbuatına danışarkən bildirib.
“Biz kürəyi kürək adlandırmalıyıq. Gürcüstan hökuməti yavaş-yavaş Ukrayna vətəndaşı Mixail Saakaşvilini öldürür. Bir siyasətçi kimi onun haqqında nə istəsələr, düşünə bilərlər, amma mənim üçün XİN rəhbəri kimi o, Ukrayna vətəndaşıdır. Biz çətinliyə düşən hər bir vətəndaş üçün necə mübarizə aparırıqsa, mən də onun üçün mübarizə aparacağam”.
Qeyd edək ki, Kuleba, Ukraynanın Gürcüstana yeni səfir təyinatının son mərhələdə olduğunu da xatırladıb.
“O, Gürcüstana gedəndə bu, artıq siyasi məqamdır. Səfirin olub-olmaması həmişə siyasi siqnaldır. Biz Gürcüstanla münasibətləri korlamaq üçün heç nə etmədik, barmağımızı belə qaldırmadıq. Əksinə, biz əlaqələrimizin inkişafına çox böyük sərmayə qoymuşuq. Deyə bilərəm ki, əgər Ukrayna xalqı və dövləti arasında gürcü xalqı ilə münasibətlər dəyişməz olaraq qardaşlıq və pozitiv olaraq qalırsa, o zaman Gürcüstan hökuməti haqqında eyni şeyi deyə bilmərik”, - deyə Ukrayna Xarici İşlər Nazirliyinin rəhbəri bildirib.
Ukraynalı siyasətçi Gürcüstan hökumətinin Rusiyaya münasibətinə də münasibət bildirib.
“Suallar var, problemlər var. Amma onlarla əlaqə saxlamaq və bu problemləri həll etməyə çalışmaq üçün kifayət qədər ünsiyyət kanalımız var”, - deyə Kuleba əlavə edib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB