Misir ərzaq təhlükəsizliyini təmin etmək üçün Rusiyadan 240 min ton buğda alıb.
Misir Tədarük Malları Baş Assambleyasının yazılı açıqlamasında 240 ton buğdanın daşınmasının Ramazan ayının bir hissəsinə təsadüf edən 1-15 aprel tarixlərində həyata keçirilməsinin gözlənildiyi bildirilib.
SİA-nın əldə etdiyi məlumata görə, açıqlamada bildirilib ki, idxalın Dünya Bankının maliyyələşdirməsi ilə reallaşdırılması üçün hər tona 317,5 dollar razılaşdırılıb.
Qeyd olunub ki, rüsum buğda Misir limanlarına gəlib yoxlanıldıqdan sonra ödəniləcək.
İllik buğda ehtiyacının 80 faizini idxal edən Misir bu sahədə dünyada birinci yerdədir.
Kənd Təsərrüfatı Nazirliyinin məlumatlarına görə, keçən il 13,3 milyon ton buğda idxal edən Misirin ən böyük tədarükçüsü 8,96 milyon ton ilə Rusiya olub.
Buğdanın qiymətinin və dolların məzənnəsinin artması ölkənin 2022-2023-cü illər büdcəsinə 3 milyard dollar əlavə büdcənin ayrılması ilə nəticələnib.
Rusiya-Ukrayna müharibəsi səbəbiylə tədarük problemlərindən sonra Misirdə buğdanın qiyməti 3 mart 2022-ci ildə ton başına 1000 cuneyh (təxminən 53 dollar) artıb.
Bütün xəbərlər Facebook səhifəmizdə
USD
EUR
GBP
RUB