Yunanıstanın xarici işlər naziri Nikos Dendias Avropa İttifaqının Türkiyəyə dəstək verməsinin vacibliyini bildirib.
Belçikanın paytaxtı Brüsseldə Ukraynanın əsas gündəmi ilə Avropa İttifaqı xarici işlər nazirlərinin toplantısına qatılan Dendias jurnalistlərə Ukrayna, Əfqanıstanda qadın haqları, iqlim böhranı və ekoloji problemlər kimi mövzuların iclasda müzakirə olunacağını deyib.
Nikos Dendias Türkiyəyə səfəri ilə bağlı həmkarlarına məlumat verəcəyini bildirərək, "Həmçinin həmkarlarımla Türkiyə və Suriyadakı zəlzələ qurbanlarına necə kömək edə biləcəyimiz barədə danışmaq imkanım olacaq. Bunu demək üçün çox üzgünəm; bu, ilk dəfə görülən çox böyük bir fəlakətdir. Çox böyük kömək və dəstəyə ehtiyac var” deyib.
Xatırladaq ki, zəlzələdən sonra Hatay və Adanaya səfər edən Dendias xarici işlər naziri Mövlud Çavuşoğlu ilə görüşüb.
Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş rayonunun Pazarcık qəsəbəsində 7,7, saat 13:24-də isə Elbistan qəsəbəsində isə 7,6 bal gücündə iki zəlzələ baş verib. Dərinliyi 7 kilometr olan zəlzələ 11 rayonda böyük dağıntılara səbəb olub. Zəlzələdən zərər çəkmiş bölgədə üç ay müddətinə fövqəladə vəziyyət rejimi elan edilib.
Bütün xəbərlər Facebook səhifəmizdə
USD
EUR
GBP
RUB