Birləşmiş Ştatların Beynəlxalq İnkişaf Agentliyi və Birləşmiş Millətlər Təşkilatının Ümumdünya Ərzaq Proqramı Tacikistandakı həssas ailələrə dəstək üçün 13 milyon dollar ayırıb.
SİA-nın əldə etdiyi məlumata görə, ABŞ-ın Tacikistandakı səfirliyi fevralın 18-də bildirib ki, 200 minə yaxın insanın qeyd-şərtsiz nağd pul köçürmələri və dolanışıq dəstəyi alacağı gözlənilir.
Ümumdünya Ərzaq Proqramının Tacikistan nümayəndəsi ölkə əhalisinin Rusiyanın Ukraynaya qarşı müharibəsi də daxil olmaqla, davam edən böhranlardan əziyyət çəkməyə davam etdiyinə görə, bu ölkədə dayanıqlılıq yaratmaq üçün fəaliyyətini davam etdirməsinin çox vacib olduğunu deyib.
Qeyd edək ki, Birləşmiş Ştatların Beynəlxalq İnkişaf Agentliyi uşaqların qida çatışmazlığının qarşısının alınması və müalicəsi üçün vacib xidmətləri, o cümlədən beş yaşınadək 270 000 uşaq, eləcə də 240 000 hamilə qadının qidalanma xidmətlərindən istifadə imkanlarının genişləndirilməsi üçün texniki yardım göstərəcək.
ABŞ səfirliyi Ümumdünya Ərzaq Proqramının Ərzaq Təhlükəsizliyi Qiymətləndirilməsinə istinad edərək, Ukraynadakı münaqişə və artan ərzaq qiymətləri səbəbindən pul köçürmələrində itkilərin məcmu təsiri Tacikistanda ciddi ərzaq təhlükəsizliyini 1-8 faiz gücləndirə biləcəyini qeyd edib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB