NATO ölkələrinin müdafiə nazirləri Ukraynaya dəstək verməklə yanaşı, müdafiə xərclərinin artırılması və müdafiə sənayesi potensialının inkişaf etdirilməsi kimi məsələləri müzakirə etmək üçün bir araya gəlib.
SİA-nın xarici qaynaqlardan əldə etdiyi məlumata görə, Belçikanın paytaxtı Brüsseldə keçirilən NATO Müdafiə Nazirləri Toplantısının ikinci gün iclası NATO-nun Baş katibi Yens Stoltenberqin açılış nitqi ilə başlayıb.
Yens Stoltenberq bildirib ki, NATO Rusiyaya qarşı vuruşan Ukraynaya dəstəyini davam etdirərkən çəkindirmə və müdafiə gücünü artırıb.
Nazirlərin müdafiə planlaması ilə bağlı siyasi çərçivəni bu gün qəbul edəcəklərini bildirən Stoltenberq silah və sursat istehsalını artırmaq üçün müdafiə sənayesi potensialının inkişaf etdirilməsi, dəniz altındakı boru kəmərləri və kabel xətləri də daxil olmaqla kritik infrastrukturların mühafizəsinin gücləndirilməsi və müttəfiqlərin müdafiə xərclərinin artırılması kimi mövzuların da müzakirə olduğunu qeyd edib.
Türkiyedə baş verən zəlzələlər səbəbindən Milli müdafiə naziri Hulusi Akarın iştirak etmədiyi iclasda Türkiyeni NATO-dakı daimi nümayəndəsi səfir Levent Gümrükçü təmsil edir.
İclasda NATO üzvü olmayan İsveç və Finlandiyanın müdafiə nazirləri də iştirak edir.
Bütün xəbərlər Facebook səhifəmizdə
USD
EUR
GBP
RUB