NATO müttəfiqləri fevralın 6-da Kahramanmaraşda baş verən 7,7 və 7,6 bal gücündə zəlzələlərdən zərər çəkənlərin sığınması üçün Türkiyəyə yarıdaimi sığınacaqlar göndərmək qərarına gəliblər. SİA bu barədə Tükiyə saytlarına istinad edir.
NATO-nun verdiyi açıqlamaya görə, NATO-nun göndərəcəyi sığınacaqlar NATO-nun təlim və əməliyyatlarında istifadə olunan qərargah komplekslərindən ibarət olacaq. Bu sığınacaqlara stilik, generator və müalicə sahələri kimi obyektlər daxildir.
NATO hərbi rəsmiləri hazırda İtaliyanın Taranto şəhərində yerləşən NATO Dəstək Agentliyinin Cənub Əməliyyatlar Mərkəzində saxlanılan sığınacaqların daşınması üçün ən uyğun logistika və marşrutları qiymətləndirirlər.
Bu sığınacaqlar qurulduqdan sonra NATO ölkələrinin göndərməyə başladığı qış şəraitinə uyğun çadırların yerləşdirilməsi ilə tamamlanacaq.
NATO-nun Avropadakı Müttəfiq Qüvvələrinin komandanı general Kristofer Kavoli sığınacaqların göndərilməsi ilə bağlı işlərə rəhbərlik edəcək.
NATO-nun baş katibi Yens Stoltenberq müttəfiqlərin qərarını alqışlayaraq NATO müttəfiqimiz Türkiyə ilə güclü həmrəylik içində olduqlarını deyib.
''NATO müttəfiqləri və tərəfdaşları yardım səylərinə ciddi dəstək verir. Biz ehtiyacı olanlara kömək etmək üçün əlimizdən gələni etməyə davam edəcəyik",-deyə Yens Stoltenberq qeyd edib.
Bütün xəbərlər Facebook səhifəmizdə
USD
EUR
GBP
RUB