Zәlzәlәdәn saatlar keçsә dә sevindirici xәbәrlәr gәlmәkdә davam edir.
Fevralın 6-da Türkiyәnin Kahramanmaraş şәhәrindә baş verәn güclü zәlzәlәlәr nәticәsindә dağıntılar altında qalanların xilas edilmәsi üçün axtarış-xilasetmә әmәliyyatları aparılır.
SİA-nın əldə etdiyi məlumata görə, yüzlәrlә xilasedici vә minlәrlә könüllü dağıntılar altından müjdә vermәk üçün fәaliyyәtlәrini davam etdirir. Zәlzәlәdәn saatlar keçsә dә möcüzәlәr yaşanmaqda davam edir.
Hatayın Antakya qәsәbәsindә zәlzәlәdәn 101 saat sonra 30 yaşlı Hikmәt Yiğitbaş xilas edilib. Mәlumata görә, zәlzәlәdәn 101 saat sonra hәmçinin Diyarbәkirdә bir ana vә oğlu xilas edilib.
Kahramanmaraşda zәlzәlәdәn 99 saat sonra bir, Hatayda 98 saat sonra bir, 96 saat sonra dörd nәfәr xilas edilib. Hatayda 10 günlük körpә vә anası zәlzәlәdәn 90 saat sonra dağıntılar altından çıxarılıb.
Qaziantepdә dağıntılar altında qalan 17 yaşlı Adnan Korkut da zәlzәlәdәn 94 saat sonra xilas edilib.
Axtarış-xilasetmə əməliyyatlarının 5-ci günündə dağıntılar altından saatlar sonra xilas edilənlərin xəbəri bütün Türkiyeni sevindirir.
İlk zəlzələdən 96-102 saat sonra xilasedici dəstələr tərəfindən 25 adam xilas edildi.
Hatayın İskenderun rayonunda 5 mərtəbəli yaşayış binasının dağıntıları altından zəlzələdən 102 saat sonra 6 nəfərlik ailə xilas edilib.
“Əsrin fəlakəti” adlandırılan zəlzələ nəticəsində Hatayda dağılan bir binanın dağıntıları altından 105 saat sonra 1,5 yaşlı körpə ilə 7 yaşlı qardaşı xilas edilib.
Zəlzələdən 103 saat sonra Hatayın Antakya rayonunda 6 mərtəbəli yaşayış binasının dağıntıları altından “Venera” adlı it və sahibi xilas edilib.
Kahramanmaraşda zəlzələdən 104 saat sonra dağıntılar altından çıxarılan 41 yaşlı şəxs xilasedicinin əlini öpüb. Məlumata əsasə, 15 yaşlı qız zəlzələdən 103, uşaq və anası isə 102 saat sonra xilas edilib.
Kahramanmaraşda həyata keçirilən axtarış-xilasetmə işləri zamanı 42 yaşlı kişi 108-ci saatdan sonra xilas edilib.
Hatayın İskenderun rayonunda 107 saat sonra daha bir nəfər dağıntılar altından çıxrılıb.
Qaziantepin Nizip rayonunda zəlzələdən 107 saat sonra bir qadın, 105 saat sonra biri uşaq olmaqla 2 nəfər yaralı olaraq və Malatyada bir qadın 105 saat sonra xilas edilib.
Adıyamanda bir nəfər 107 saat sonra dağıntılar altından xilas edilib.
Bütün xəbərlər Facebook səhifəmizdə
USD
EUR
GBP
RUB