İndoneziyanın Papua əyalətində 5,1 bal gücündə zəlzələ baş verib.
SİA Türkiyənin TRT telekanalına istinadən xəbər verir ki, bu barədə Amerika Birləşmiş Ştatlarının (ABŞ) Geoloji Tədqiqat Xidməti (USGS) məlumat yayıb: “Papuanın şimal sahilində yerləşən Cayapurada 5,1 bal gücündə zəlzələ baş verib. Ocağı 22 kilometr yerin altında olan zəlzələdə “üzən restoran”ın dənizə aşması nəticəsində 4 nəfər həyatını itirib. Ərazidəki bəzi binalar və klinikalar dağılıb”.
Qeyd edək ki, 2004-cü ildə İndoneziyanın Aceh bölgəsində baş verən zəlzələdən sonra təxminən 170.000 insan həyatını itirib.
28 sentyabr 2018-ci ildə Sulavesi adasındakı Palu körfəzində baş verən və Donqala, Palu, Sigi bölgələrində dağıntılara səbəb olan 7,5 bal gücündə zəlzələ və sunami nəticəsində isə 4340 nəfər həyatını itirib.
21 noyabr 2022-ci ildə İndoneziyanın Qərbi Yava əyalətinin Ciranjang şəhərindən 18 kilometr cənub-qərbdə baş verən 5,6 bal gücündəki zəlzələdə isə 331 nəfər həyatını itirib, 600-ə yaxın insan yaralanıb.
Sakit okean hövzəsinin “Alov halqası” zonasında yerləşən İndoneziya dünyada təbii fəlakətlərdən ən çox zərər çəkən ölkələrdən biridir.
Bütün xəbərlər Facebook səhifəmizdə
USD
EUR
GBP
RUB