Episentri Kahramanmaraş olan 7,7 və 7,6 bal gücündə zəlzələlərdə həyatını itirənlərin sayı 9057-ə yüksəlib.
Fövqəladə Hallar İdarəsi - AFAD bildirib ki, Kahramanmaraşda 6 fevralda baş verən zəlzələlərdə həyatını itirənlərin sayı 9057-yə çatıb, yaralı sayı isə 52 min 979-a yüksəlib.
SİA-nın rus saytlarından əldə etdiyi məlumata görə, hazırda 6 min 444 binanın dağıntılarında axtarış-xilasetmə işləri davam edir.
Bölgədə 90 mindən çox ailə üçün 70 min 818 çadır qurulub.
Zəlzələ bölgəsində 96 670 nəfər axtarış-xilasetmə heyəti fəaliyyət göstərir.
Səhiyyə naziri Fahrettin Koca zəlzələdən zərər çəkmiş 10 vilayətdə 77 sahra xəstəxanası qurduqlarını bildirərək deyib: "Təcili tibbi yardım göstərildiyi bu xəstəxanaların bəzilərində də cərrahi əməliyyatlar edilə bilir. Sağlamlıqları riskli olan zəlzələ qurbanlarımız ilk müdaxilədən sonra helikopterlərlə bölgədəki xəstəxanalara çatdırılır".
Bütün xəbərlər Facebook səhifəmizdə
USD
EUR
GBP
RUB