Mərkəzi Kahramanmaraşda olan və 10 vilayətdə baş verən zəlzələlərdən sonra yardım kampaniyasına Kırklarelidən dəstək davam edir. SİA Türkiyə mətbuatına istinadən xəbər verir ki, vətəndaşlar zəlzələ bölgəsində istifadə olunacaq yardım materiallarını, xüsusilə paltar, yemək, ədyal və şəxsi gigiyena materiallarını yardım toplama sahələrinə gətirirlər.
Yeddi yaşlı Eylul Qargilin də ötən həftə yığdığı pulla aldığı qol saatı da daxil olmaqla ailəsinin göndərdiyi ianələrə dəstək olub.
Qargil dəstəyini "Əziz dostlar, mən Eylül, hamınız tez sağalın, sizinlə ola bilmədiyimiz üçün çox təəssüf edirəm. Amma bütün qəlbim sizinlədir. Keçən həftə yığdığım pulla özümə saat aldım. Baxın bu saatı sizə göndərirəm” qeydi ilə məktub yollayıb.
Yardım materialları bağlamalara yerləşdirilərək nəqliyyat vasitələri ilə zəlzələ bölgəsinə göndərilib. Kiçik qızın yazdığı qeydi oxuyan Kırklareli Bələdiyyə Başçısı Mehmet Siyam Kesimoğlu da duyğulu anlar yaşayıb.
Kesimoğlu AA müxbirinə bildirib ki, yardım kampaniyası davam edir. Bütün Türkiyənin üzüldüyünü dilə gətirən Kesimoğlu kampaniyaya dəstək verən vətəndaşlara təşəkkür edib.
Yaraların birlik və həmrəylik içində sağalacağını ifadə edən Keskinoğlu: "Biz burada çox emosional anlar yaşayırıq. Bizə oxumağı və yazmağı yeni öyrənən qızımızın qeydi var. Qutudan çıxdı. Deyir, "Həftəlik yığdığım pulla özümə qol saatı aldım.. Amma onlar evdə çox şey yığıb bağlamaya qoydu. Heyran olmamaq mümkün deyil. Milli birlik və həmrəylik içində olmaq çox gözəldir".
Ayşən Vəli
Bütün xəbərlər Facebook səhifəmizdə
USD
EUR
GBP
RUB