Türkiyədə zəlzələ: 1762 həlak olub, 12 068 nəfər yaralanıb

Türkiyədə zəlzələ nəticəsində həlak olanların sayı 1762 nəfərə, yaralananların sayı isə 12 min 68 nəfərə çatıb.

SİA-nın əldə etdiyi məlumata görə, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Zəlzələ nəticəsində dağılan binaların sayı 5606-ya çatıb.

Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib.

Türkiyə təbii fəlakətlə bağlı NATO və Avropa İttifaqı da daxil olmaqla 45 ölkədən yardım təklifləri alıb. Bir müddət öncə Azərbaycan Fövqəladə Hallar Nazirliyinin çevik xilasetmə qüvvələri zəlzələ bölgəsinə çatıb.

Bütün xəbərlər Facebook səhifəmizdə