SİA bu barədə Tükiyə saytlarına istinad edir.
Bəyanatda deyilir: “Çin ABŞ-ın mülki pilotsuz aerostata hücum üçün güc tətbiq etməsinə qarşı kəskin narazılıq və etirazını bildirir. Çin yoxladıqdan sonra Amerika tərəfini dəfələrlə xəbərdar edib ki, aerostat mülki istifadə üçün nəzərdə tutulub və ABŞ hava məkanına fors-major səbəbindən daxil olub, bu barədə məlumat verilib. Bu, tamamilə gözlənilməz bir vəziyyət idi.
ABŞ Müdafiə Nazirliyi bildirib ki, hava şarı yerdəki şəxsi heyət üçün hərbi və ya fiziki təhlükə törətməyib. Bu şəraitdə ABŞ tərəfi beynəlxalq qaydaları kobud şəkildə pozaraq, güc tətbiq etməkdə israr edərək həddini aşıb.
Çinin hadisədən zərər görən şirkət və qurumların qanuni hüquq və mənafelərini qoruyacaq və buna uyğun reaksiya vermək hüququnu özündə saxlayır”.
Xatırladaq ki, ABŞ Müdafiə Nazirliyi (Pentaqon) fevralın 2-də Çinə aid, yüksək hündürlükdə uçan kəşfiyyat şarının (mülki pilotsuz aerostat) ABŞ materikinin üzərində uçduğunu və Amerika ordusunun şarı izlədiyini bildirmişdi.
Çin rəsmiləri mülki pilotsuz aerostatının Çin mülki təyyarəsi olduğunu, meteoroloji araşdırmalar üçün istifadə edildiyini və küləklər tərəfindən sürüklənərək səhvən ABŞ hava məkanına girdiyini söyləmişdi.
Qeyd edək ki, ABŞ dövlət katibi Entoni Blinkenin Çinin paytaxtı Pekinə səfərini təxirə salmasına səbəb olan Çin “casus şarı” Amerikanın ərazi sularında Atlantik okeanı üzərindən keçərkən ABŞ prezidenti Co Baydenin əmri ilə Amerika sahillərindən 6 dəniz mili məsafədə AİM-9X raketi ilə vurulub. TASS informasiya agentliyi xəbər verir ki, zondun qalıqları 7 mil (təxminən 11 kilometr) məsafəyə səpələnib.
ABŞ hərbçiləri hesab edirlər ki, Cənubi Karolina sahilləri yaxınlığında vurulmuş Çin aerostatının qalıqlarının toplanması əməliyyatı “nisbətən sürətli” olacaq. Bu barədə “Reuters” agentliyi ABŞ müdafiə idarəsinin yüksək rütbəli vəzifəsinə istinadla məlumat yayıb. Məlumata görə, zondun qalıqlarının çıxarılması həftələr və ya aylar qədər vaxt aparmayacaq.
Üç məktəb avtobusu boyda və 60 min fut hündürlükdə uçan şarın qalıqlarının çıxarılması üçün işlər davam edir.
ABŞ-ın müdafiə naziri Lloyd Ostin verdiyi yazılı açıqlamada bildirib: "Çinin Amerika materikindəki strateji bölgələrdə casusluq etmək üçün istifadə etdiyi cihaz ABŞ ərazi suları üzərindən böyüklüyü, hündürlüyü və müşahidə qabiliyyətinə görə "lazımsız risk" yaradacağı üçün salınıb. Hava şarının marşrutu və kəşfiyyat toplama fəaliyyəti yaxından izlənilib və bu qərar verilib. Şarın aşağı salınması Kanada hökumətinin koordinasiyası və dəstəyi ilə reallaşdırılıb”.
Bütün xəbərlər Facebook səhifəmizdə
USD
EUR
GBP
RUB