2022-ci ildə Özbəkistan, Qırğızıstan, Tacikistan, Monqolustan və Ermənistana son beş ildə rekord sayda Rusiya vətəndaşı gedib.
SİA-nın əldə etdiyi məlumata görə, bu barədə Rusiya sərhəd xidmətinin məlumatında deyilir.
Qeyd edək ki, gedişlərin pik həddi üçüncü rübə düşüb. Bu, sentyabrda Rusiyada səfərbərlik elan edilməsi ilə bağlı ola bilər - o zaman hərbi xidmətdən yayınmaq istəyən bir çox ruslar ölkəni tərk etmişdilər.
Bu arada “Meduza” nəşri sərhəd xidmətinin təqdim etdiyi rəqəmləri təhlil edərək belə qənaətə gəlir ki, il ərzində 989 faiz Monqolustana, 475 faiz Gürcüstana, Qazaxıstana 234 faiz, 212 faiz Tacikistana, 99 faiz isə Özbəkistana səyahətlər artıb. -.
Bundan əlavə, 2022-ci ildə rusların İsrailə uçuşlarının sayı iki dəfə artaraq 100 mini keçib. Statistika yalnız sərhəd keçidlərinin sayını nəzərə alır ki, bu da mütləq mühacirəti əhatə etmir: onlara istirahət, iş və şəxsi məqsədlər üçün səfərlər də daxildir .
Və bir çox ruslar tezliklə öz vətənlərinə qayıdacaqlar?
Maraqlıdır, görən səfərbərlik adını eşidib Rusiyanı tərk edənlərin sayı nə qədərdir?
Məsələn rusiyalı demoqraflar Yuliya Florinska və Aleksey Rakşanın fikrinə istinad etsək, onlar ötən ilki mühacirət dalğasını 400-800 min nəfər təşkil etdiyini deyirlər.
Amma digər ekspertlər bunun reallığı əks etdirmədiyini, yəni Rusiyadan gedənlərin bir milyondan artıq olduğunu deyirlər.
Onların təbirincə bu günkü emiqrantların 100 000-dən çoxu Gürcüstanda, 100 000-dən bir azı Qazaxıstanda qalıb.
Bundan əlavə Serbiyaya 50-100 min, Ermənistana 40 minə yaxın rusiyalı yaşayır.
Yenə də bundan əlavə təxminən 35 min Rusiya vətəndaşı İsrail, Qırğızıstan və Avropa İttifaqı ölkələrinə gediblər.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB