Bu arada “Vaqner” PMC öldürülən cəsədləri cəbhədən çıxarmaq problemi ilə üzləşib.
Belə ki, Rusiya Müdafiə Nazirliyi daşınma ilə bağlı yardımdan imtina edir. SİA bu barədə “Layout” dəfn xidmətləri bazarının iştirakçılarına istinadən xəbər verir.
Nəşrin həmsöhbətlərindən biri bildirib ki, “Vaqner” PMC -nin təsisçisi Yevgeni Priqojin ilə Rusiya müdafiə departamenti arasında münaqişə səbəbindən onun şirkəti ölənlərin cəsədlərini Rusiyanın nəzarətində olan ərazilərdən və Ukrayna ilə həmsərhəd rayonlardan yük maşınları ilə çıxarmalı olur. Deyilənlərə görə, bu mşınlar hələ ki, soyuducularla da təchiz olunub.
Etirafa görə, bu cür daşımaları təşkil etmək çətindir, çünki Rusiyada bu məqsədlər üçün xüsusi logistika şirkətləri yoxdur. Bu səbəbdən “Vaqner” PMC muzdlularının cəsədləri çox vaxt qohumlarına verilmir və onlar boş tabutları basdırmalı olurlar.
Yeri gəlmişkən, 2022-ci ilin mart ayının əvvəlindən bəri Rusiya hakimiyyəti yeni qəbiristanlıqların tikintisi və mövcud qəbiristanlıqların genişləndirilməsi üçün 39 tender keçirib. Belə ki, ən böyük tender - 378 milyon rubla - keçən ilin mayında Xabarovsk diyarının administrasiyası tərəfindən elan edilib. Qeyd edək ki, burada söhbət beş hektar sahəsi olan bir obyektdən gedir. Hazırda Çerepovets, Ulan-Ude, Murmansk və Arxangelsk vilayətlərində də yeni qəbiristanlıqlar tikilir.
Priqojinin sözlərinə görə, “Vaqner” PMC muzdluları öz vəsiyyətlərinə uyğun olaraq Krasnodar diyarında xüsusi qəbiristanlıqda dəfn olunurlar.
Bildirək ki, yanvarın sonunda “New York Times” nəşri peyk şəkillərinin təhlilinə əsaslanaraq, “Vaqner” PMC-lər üçün qəbiristanlıqdakı məzarların sayının son iki ayda yeddi dəfə artdığını bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB