Şimali Kıbrıs Türk Cümhuriyyəti (KKTC) Prezident Administrasiyası Birləşmiş Millətlər Təşkilatı Təhlükəsizlik Şurasının (BMT TŞ) BMT Sülhməramlı Qüvvələrinin (UNFI) adadakı mandatını 1 il uzatan qərarına reaksiya verib.
SİA-nın əldə etdiyi məlumata görə, Prezident Administrasiyasının açıqlamasında deyilib:
“BMT Təhlükəsizlik Şurası bu gün qəbul etdiyi qərarın danışıqlar zəmininə istinad edən bəndlərində bir daha sahədəki vəziyyətə məhəl qoymayaraq status-kvonun qorunub saxlanması üçün ifadələr əlavə etdi və BMT Təhlükəsizlik Şurası bir daha açıqladı ki, bu problemin real şəkildə həllində maraqlı deyil.
Hər iki tərəfin yeni və rəsmi danışıqlar prosesinə başlaması üçün ortaq əsas yoxdur.
Kıbrıs türk xalqı öz gələcəyini məcburi əsaslara və öz hüquqlarına qarşı diktə edilmiş həll modellərinə təslim etməyəcək. Kıbrısda məsələnin həllində maraqlı olduqlarını bildirən beynəlxalq dairələrə status-kvonun qorunmasına yönəlmiş bəyanatlardan imtina edərək iki tərəfin razılaşma əldə edə biləcəkləri bir zəminə dəstək olmalarını tövsiyə edirik".
BMT TŞ-nin Qapalı Maraşla ilə bağlı ifadələrin beynəlxalq ictimaiyyətin dəyişikliyə yönəlmiş dayaz siyasətinin təzahürü olduğu vurğulanan açıqlamada “Beynəlxalq ictimaiyyətin qərəzli münasibətinin və Kıbrıs Rum icmasının yola gəlmə mövqeyinin" Maraşın 2020-ci ilə qədər qapalı qalmasından məsul olduğu vurğulanıb. münaqişəsinin” təzahürü olduğu bildirilib.
Açıqlamada qeyd olunub:
"Siyasi proseslə bağlı mövqeyimizdə olduğu kimi, Kıbrıs türk xalqı da öz gələcəyini təyin edəcək və ölkəmizin bir qarış torpağı Rum tərəfinin iradəsinə verilməyəcək. Qətnamədə Kıbrıs türk xalqının insanlığa sığmayan onillər boyu təcridindən bəhs edilmir. Bunun vurğulanmamasında həqiqəti gizlətməklə buna səbəb olanların rüsvayçılıqlarını ört-basdır etmək cəhdləri də var".
Açıqlamada BMT Sülhməramlı Qüvvələrinin KKTC-dəki fəaliyyətinin qanuni əsasa qoyulmasının vacib olduğu bildirilib.
Bütün xəbərlər Facebook səhifəmizdə
USD
EUR
GBP
RUB
