Pakistanın Hayber Paxtunxva əyalətində məscidə törədilən partlayış nəticəsində aralarında polislər də daxil olmaqla 28 nəfər həyatını itirib.
SİA-nın xarici qaynaqlardan əldə etdiyi məlumata görə, şəhərin Polis Lines bölgəsindəki məsciddə günorta namazı vaxtı intihar hücumu baş verib.
Hücum zamanı ilkin məlumatlara görə, polis əməkdaşları da daxil olmaqla 28 nəfər ölüb, 150-dan çox adam yaralanıb.
Rəsmilər yaralılardan 10-nun vəziyyətinin ağır olduğunu bildirib.
Partlayış nəticəsində ətrafdakı tikililərə və maşınlara, eləcə də məscidə ziyan dəyib.
Hələlik heç kim hücuma görə məsuliyyəti üzərinə götürməyib.
Pakistan Talibanı (TTP) son zamanlar hücumlarını artırıb.
TTP noyabrın 28-də sosial şəbəkədə İslamabad administrasiyası ilə 10 may tarixində başlayan atəşkəsin sona çatdığını və üzvlərinin ölkə daxilində təhlükəsizlik qüvvələrinə hücum əmri verdiyini açıqlayıb.
Pakistan TTP-ni terror təşkilatı hesab edir.
İslamabadda yerləşən Təhlükəsizlik Araşdırmaları və Tədqiqat Mərkəzinin (CRSS) paylaşdığı məlumatlara görə, Pakistanda keçən il 506 terror aktı nəticəsində 290 təhlükəsizlik qüvvəsi və 311 mülki şəxs olmaqla 601 nəfər həlak olub, 741 nəfər yaralanıb.
Pakistanda 2022-ci ildə terror hücumları əvvəlki il ilə müqayisədə 15 faiz artıb.
Bütün xəbərlər Facebook səhifəmizdə
.jpg "Şərurlu İsfəndiyarla Ramiz Mehdiyevin ƏLAQƏSİ OLUB? - ŞOK FAKT !")
.jpg "Ermənistan Müharibə ELAN EDİR? - YENİ İL GÜNÜ SÜRPRİZ!")
USD
EUR
GBP
RUB