Amerika Birləşmiş Ştatlarının Aeronavtika və Kosmos Agentliyi (NASA) və Müdafiə Nazirliyi (Pentaqon) Marsa missiyalar ilə əlaqədar əməkdaşlıq edəcək.
SİA-nın xarici qaynaqlardan əldə etdiyi məlumata görə, NASA və Pentaqonun Qabaqcıl Müdafiə Tədqiqat Layihələri Agentliyi (DARPA) Marsa missiyalar üçün istehsal olunacaq nüvə termal raketin mühərrikinin hazırlanması ilə bağlı razılığa gəliblər.
NASA-nın verdiyi açıqlamaya görə, Ay və Yer arasında sürətli manevr edən raket əməliyyatlarını ehtiva edən proqram (DRACO) çərçivəsində DARPA ilə əməkdaşlıq ediləcək.
NASA administratoru Bill Nelson deyib:"Nüvə termal texnologiyasını inkişaf etdirmək üçün 2027-ci ilədək Pentaqonun Qabaqcıl Müdafiə Tədqiqat Layihələri Agentliyi ilə əməkdaşlıq edəcəyik'',
O, bu yeni texnologiya ilə astronavtların kosmosa əvvəlkindən daha sürətli səyahət edəcəyini bildirib.
Marsa getmək üçün ekipajlı missiyalara hazırlaşacaqlarını ifadə edən Nelson qoyduqları investisiya üçün Pentaqonun Qabaqcıl Müdafiə Tədqiqat Layihələri Agentliyinə təşəkkür etdi.
Əməkdaşlıq çərçivəsində NASA-nın Kosmik Texnologiyalar Missiya Departamentinin raketin mühərrikini inkişaf etdirəcəyi, DARPA-nın isə bütün prosesi idarə edəcəyi, həmçinin reaktor və mühərrikin inkişafına töhfə verəcəyi bildirilib.
DARPA-nın rəhbəri Stefani Tompkins bu əməkdaşlığın kosmik texnologiyanı irəli səviyyəyə çatdıracağını bildirib.
Pentaqonun Qabaqcıl Müdafiə Tədqiqat Layihələri Agentliyinin materialları Aya daha sürətli daşınmasında mühüm rol oynayacağını qeyd edən Tompkins bu proqramla gələcəkdə insanları Marsa aparmağın mümkün olduğunu qeyd edib.
ABŞ-ın sonuncu nüvə termal raket mühərriki sınaqları 50 il əvvəl həyata keçirilib.
Bütün xəbərlər Facebook səhifəmizdə
USD
EUR
GBP
RUB