Xerson vilayətinin Nova Kaxovka qəsəbəsindəki xəstəxanaya hər gün yaralı rus hərbçilərinin olduğu yük maşınları və minik avtomobilləri gəlir.
“Düşmən itki verməkdə davam edir. Belə ki, yaralı rus hərbçilərinin olduğu yük maşınları və minik avtomobilləri hər gün Xerson vilayətinin Nova Kaxovka şəhər xəstəxanasına gəlir”.
SİA-nın Ukrayna saytlarından əldə etdiyi məlumata görə, bu, Ukrayna Silahlı Qüvvələrinin Baş Qərargahının axşam hesabatında deyilir.
Baş Qərargah, bununla yanaşı, məhv edilmiş rus əsgərlərinin sayını da dəqiqləşdirir.
Qeyd edilir ki, bu gün ərzində Ukrayna aviasiyası rus hərbçilərinin şəxsi heyətinin cəmləşdiyi ərazilərə üç zərbə endirib.
Ukrayna tərəfinin məlumatına görə, onların raket və artilleriya bölmələri iki işğalçı cəmləşmə bölgəsini və iki sursat anbarını vurub.
Yanvarın 22-nə olan məlumata görə, Ukrayna Silahlı Qüvvələrinin döyüşçüləri Ukrayna ərazilərini ələ keçirməyə cəhd edən təxminən 120 760 Rusiya hərbçisini məhv edib.
Bu arada, Müdafiə Nazirliyinin Dövlət Unitar Müəssisəsi Rusiya müharibəsində həlledici dövrün yaz və yayın əvvəli olacağını bildirir. Çünki bu dəfə Rusiyanın yeni böyük hücumu planlaşdırılıb.
Amma, iddialara görə, Belarusdan Ukrayna ərazilərinə hücum planı elə də real görünmür.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB