NATO baş katibinin müavini Mirça Coane Ukraynada uzanan münaqişəyə hazırlaşmağa çağırıb.
SİA-nın rus saytlarından əldə etdiyi məlumata görə, o, belə bir bəyanatla yanvarın 18-də alyansın hərbi komitəsinin Brüsseldə keçirilən iclasının açılışında çıxış edib.
Münaqişə uzunmüddətli olacağını deyən Coanenin sözlərinə görə, 2023-cü il də çətin il olacaq.
“Biz Ukraynanı lazım olduğu müddətcə dəstəkləməliyik” deyən Coane, alyansın taktiki qruplarının sürətlə şərq cinahda briqadalar səviyyəsinə qədər möhkəmləndiyini də bildirib.
Xatırladaq ki, bundan əvvəl NATO-nun baş katibi Yens Stoltenberq Avropa və ABŞ-ı Ukraynada uzanan münaqişəyə hazırlaşmağa çağırmışdı.
Onu da xatırlayırıq ki, NATO 2023-cü ilin yazında Ukraynada münaqişənin gərginləşə biləcəyini istisna etmir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB