BMT-nin baş katibi Antonio Quterreş, hazırda planetdə çox çətin geosiyasi vəziyyət yarandığını bildirib. O, həyatında həmişəkindən daha pis olduğunu da əlavə edib.
“Düşünürəm ki, biz həyatım boyu ən pis vəziyyətdəyik”. SİA-nın rus saytlarından əldə etdiyi məlumata görə, bunu da BMT-nin baş katibi vurğulayıb.
Quterreş əlavə edib ki, o, İkinci Dünya Müharibəsindən sonra (1949-cu ildə) doğulub və vəziyyəti indikindən daha pis xatırlaya bilmir.
Onun fikrincə, planet iqlim dəyişikliyi sahəsində geri dönüşü olmayan nöqtəyə yaxınlaşır. O vurğulayıb ki, insanlar sanki ixtiyarında 1,6 planet var, o tək olduğu halda başqa planetlər yoxdur.
BMT-nin baş katibi xatırladıb ki, soyuq müharibə dövründə vəziyyət o qədər də çətin deyildi. İki geosiyasi blok oyun qaydalarına əməl edirdi. Onlar bir-birləri üçün mümkün qədər çox problem yaratmağa çalışırdılar, lakin ciddi təhlükə yarandıqda münaqişənin sona çatmasına zəmanət verən mexanizmlərdən də istifadə edirdilər.
Quterreş qeyd edib ki, mexanizmlər nüvə silahının yayılmasına nəzarət etmək üçün istifadə olunub. O əlavə edib ki, hazırda onlar fəaliyyətini dayandırıblar.
Bundan əvvəl BMT-nin baş katibi, hələlik Ukraynada sülh danışıqları üçün ciddi perspektiv görmədiyini bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB