Rusiyanın müdafiə naziri Sergey Şoyqu ordudakı əsgərlərin sayının 1,5 milyona çatdırılacağını açıqlayıb.
SİA-nın əldə etdiyi məlumata görə, o, nazirlik rəsmiləri ilə görüşdə qeyd edib ki, 2023-cü ildən 2026-cı ilə qədər ordunun şəxsi heyətində böyük dəyişikliklər ediləcək.
Rusiya Silahlı Qüvvələrinin şəxsi heyətini genişləndirmək üçün bütün fəaliyyətlərin kompleks planda birləşdirilməsi və müdafiə sənayesindən silahların çatdırılma müddətinə uyğunlaşdırılmalı olduğunu qeyd edən Şoyqu Rusiya prezidenti Vladimir Putinin əsgər sayını 1,5 milyona çıxarılması qərarına gəldiyini bildirib.
Nazir Şoyqu “Dövlətin hərbi təhlükəsizliyinin təmin edilməsi və Rusiya Federasiyasının yeni regionlarının və kritik obyektlərinin qorunması yalnız ordunun əsas struktur komponentlərinin gücləndirilməsi ilə mümkündür” deyib.
Orduda “Moskva və Leninqrad” adlı 2 yeni strateji hərbi zonanın yaradılacağını bildirən Şoyqu deyib:
“Rusiya Federasiyasının yeni regionlarında da özünə kifayət edən qoşunlar yaradılacaq”.
Putin keçən il imzaladığı qərarla 2023-cü ilə qədər əsgər sayını 137 min artaraq 1 milyon 150 min 623-ə çatdırıb.
Digər tərəfdən, Sergey Şoyqu Ukrayna ilə müharibədə döyüşən hərbi hissələri təftiş edib.
Rusiya Müdafiə Nazirliyinin bəyanatına görə, S.Şoyqu Ukraynada keçirilən “xüsusi hərbi əməliyyat” zamanı “Şərq” hərbi hissəsinin qərargahında tədqiqat aparıb və hərbi hissələrin komandirindən mövcud vəziyyət və döyüş hərəkətləri barədə məlumat alıb.
Qoşunların möhkəmləndirilməsi və sahədə təhlükəsiz yerləşdirilməsi üçün lazımi şəraitin yaradılması məsələsinə diqqət çəkən Şoyqu səhiyyə məsələsi və cəbhə arxasında aparılan işlərlə də maraqlanıb.
Xatırladaq ki, Rusiya qoşunları fevralın 24-də Ukraynaya qarşı müharibəyə başlayıb.
Bütün xəbərlər Facebook səhifəmizdə
USD
EUR
GBP
RUB