Rusiya Baş nazirinin müavini Aleksandr Novak ölkəsinin ötən il neft hasilatını və ixracını artırdığını bildirib.
SİA-nın rus saytlarından əldə etdiyi məlumata görə, Novak "2022-ci ildə neft və təbii qaz sektorundan büdcə gəlirləri 28 faiz artaraq 2,5 trilyon rubla çatıb"-deyə bildirib.
Aleksandr Novak paytaxt Moskvada hökumət rəsmiləri ilə keçirdiyi görüşdə Rusiya enerji sektorunun 2022-ci il üçün istehsal və ixrac rəqəmləri ilə bağlı açıqlama verib.
“Dost olmayan” ölkələrin sanksiyalarına baxmayaraq, Rusiya neft sektorunun 2022-ci ili səmərəli şəkildə tamamladığına diqqət çəkən Novak deyib:
“Ötən il 535 milyon ton neft hasil edilib ki, bu da 2021-ci illə müqayisədə 10 milyon ton və ya 2 faiz artım deməkdir”.
Neft ixracının keçən il 2021-ci il ilə müqayisədə 7 faiz artdığını bildirən Novak “2022-ci ildə neft və təbii qaz sektorundan büdcə gəlirləri 28 faiz artaraq 2,5 trilyon rubla (təxminən 37 milyard dollar) çatıb” deyib.
Bütün xəbərlər Facebook səhifəmizdə
USD
EUR
GBP
RUB