Peruda prezident Dina Boluartenin istefasını və növbədənkənar seçkilərin keçirilməsini tələb edən polislə etirazçılar arasında toqquşmalarda ölənlərin sayı 48 nəfərə çatıb.
SİA-nın əldə etdiyi məlumata görə, Kusko şəhərində yürüş edən yüzlərlə insanın təhlükəsizlik qüvvələri ilə toqquşması nəticəsində 1 nəfər ölüb, 22 nəfər yaralanıb.
Dekabrın 11-dən bu günə qədər hökumət əleyhinə nümayişlərdə həyatını itirənlərin sayı 48-ə yüksəlib, yaralananların sayı isə 700-ü keçib.
Ombudsman Aparatının məlumatına görə, etirazlarda ölən 48 nəfərdən 40-ı təhlükəsizlik qüvvələrinin birbaşa müdaxiləsi nəticəsində dünyasını dəyişib.
Etirazlarla bağlı Milli İnsan Haqları Koordinatorluğundan verilən açıqlamada polisin nümayişçilərə qarşı qeyri-mütənasib zorakılıq tətbiq etdiyi və hakimiyyətdən bunun dayandırılmasını tələb etdiyi bildirilib.
Xatırladaq ki, yanvarın 10-da prezident Dina Boluarte növbəti dəfə nümayişçiləri dialoqa çağırıb və etirazların dayandırılmasını tələb edib.
Dekabrın 7-də Konqres tərəfindən keçmiş prezident Pedro Kastillonun vəzifəsindən kənarlaşdırılmasından sonra Peruda etirazlar başlayıb.
Bütün xəbərlər Facebook səhifəmizdə
USD
EUR
GBP
RUB