NATO Rusiyanın hərbi hava fəaliyyətlərini izləmək üçün Rumıniyaya "AWACS" kimi tanınan havadan erkən xəbərdarlıq təyyarəsi göndərməyə hazırlaşır.
SİA xarici qaynaqlara istinadən xəbər verir ki, NATO-nun mövzuya dair bəyanatına görə, "AWACS təyyarələri yanvarın 17-də Rumıniyaya çatacaq.
Təyyarələr NATO-nun bölgədəki mövcudluğunu gücləndirmək və Rusiya Hərbi Hava Qüvvələrinin hərbi fəaliyyətinə nəzarət etmək üçün istifadə olunacaq.
NATO-nun sözçüsü Oana Lungesku mövzu ilə bağlı açıqlamasında NATO-nun alyansın hər kvadrat metrini qorumaq və müdafiə etmək əzmini vurğulayıb:
""AWACS" təyyarələrimiz digər təyyarələri kilometrlərlə uzaqdan aşkarlaya bilir. Bu da təyyarəmizi NATO-nun çəkindirmə və müdafiə sahəsində əsas imkanları sırasına daxil edir".
Qeyd edək ki, Rusiyanın Ukraynaya hücumundan sonra NATO Şərqi Avropadakı mövcudluğunu artırıb.
Bu məqsədlə bölgəyə əlavə döyüş təyyarələri müşahidə və kəşfiyyat təyyarələri, tanker təyyarələri göndərilib.
Müharibə başlayandan bəri NATO-nun "AWACS" təyyarələri NATO sərhədləri yaxınlığında Rusiya döyüş təyyarələrini izləmək üçün Şərqi Avropa və Baltik regionu üzərində müntəzəm patrul uçuşları həyata keçirir.
Almaniyadakı Geilenkirhen bazasında yerləşən donanmadan Rumıniyaya göndəriləcək "AWACS" təyyarələri də bir neçə həftə NATO hava məkanında kəşfiyyat uçuşları həyata keçirəcək.
Təyyarə ilə yanaşı, Rumıniyaya təxminən 180 personal göndəriləcək.
Bütün xəbərlər Facebook səhifəmizdə
USD
EUR
GBP
RUB