Uzun illərdir vətəndaş müharibəsinin hökm sürdüyü Yəməndə ötən il təxminən 61 min insan öz yurdundan didərgin düşüb.
SİA-nın əldə etdiyi məlumata görə, Birləşmiş Millətlər Təşkilatının (BMT) Beynəlxalq Miqrasiya Təşkilatının (IOM) Yəməndəki ofisindən verilən yazılı açıqlamada 2022-ci ilin 1 yanvar - 31 dekabr tarixləri arasında Yəməndə 10 min 135 ailənin öz yurdundan didərgin düşdüyü bildirilib.
Açıqlamada evlərini tərk edənlərin ümumi sayının 60 min 810-a yüksəldiyi, ən çox köçün isə Marib, Zamar, Taiz, Hudeyde və Ebyen şəhərlərində yaşandığı bildirilib. 2021-ci illə müqayisədə ötən il evlərini tərk edənlərin sayında ciddi azalma müşahidə olunub.
Birləşmiş Millətlər Təşkilatının Qaçqınlar üzrə Ali Komissarlığı (UNHCR) 2021-ci ildə şiddətli qarşıdurma səbəbindən 150 min yəmənlinin öz yurdlarından didərgin düşdüyünü açıqlayıb.
Yəmənin paytaztı Səna və bəzi bölgələri 2014-cü ilin sentyabr ayından etibarən husilərin nəzarətindədir.
Səudiyyə Ərəbistanı rəhbərliyindəki koalisiya qüvvələri 2015-ci ilin mart ayından etibarən husilərlə mübarizə çərçivəsində Yəmən hökumətinə dəstək verir.
Ölkədə 7 ildir davam edən münaqişələrdə 377 minə yaxın insan həyatını itirib. Dünyanın ən kasıb ölkələrindən biri olan Yəməndə vətəndaş müharibəsi səbəbindən dərinləşən humanitar böhran dəhşətli həddə çatıb.
Bütün xəbərlər Facebook səhifəmizdə
USD
EUR
GBP
RUB