Yeni il ərəfəsində Rusiya hərbçilərinin Makiyevkadakı kazarmalarına hücum zamanı 200-ə yaxın insan həlak olub, 150-yə yaxın adam yaralanıb.
SİA-nın əldə etdiyi məlumata görə, bu barədə “Layout” nəşri dağıntıların təmizlənməsində iştirak edən səfərbərlərdən biri məlumat verib.
Nəşrin mənbəsinin sözlərinə görə, o, özü iki yüzə yaxın cəsədi görüb.
Rusiya Müdafiə Nazirliyi rəsmi olaraq cəmi 89 ölü olduğunu deyir.
Ukrayna tərəfi 400 nəfərin öldüyünü bildirib.
Ölənlərin sayı ilə bağlı rəsmi təxminlər yerdəki mənbələrin bildirdiyindən xeyli azdır. Rusiyanın hərbiyönlü “Tsarqrad” kanalı yerli söhbətlərə istinadən xəbər verir ki, ölənlərin sayı “yüzlərlə insan” olaraq təxmin edilir.
Donetsk separatçılarının silahlı qüvvələrinin keçmiş rəhbəri İqor Strelkov (Girkin) ölənlərin sayının yüzlərlə olduğunu deyib.
Qeyd edək ki, Rusiya hərbçilərinin kazarmaları Kremlyovskaya küçəsindəki peşə məktəbi binasında yerləşib. Ehtimallara görə, yeni səfərbər edilmişlər Samara vilayətindən gətirilənlər olublar.
Bu arada Samara sakinləri aidiyyatı qurumlardan yaxınlarının taleyi ilə bağlı məlumat vermələrini tələb edirlər.
Xatırladaq ki, yanvarın 3-də Samara, Tolyatti, Novokuybışevsk və Sızranda matəm mitinqləri keçirilib. Səfərbər olunanların arvadları ərlərindən kimin sağ, kimin öldüyü, sağ qalanların hazırda harada olması barədə hələ də məlumatsızdırlar. Belə ki, onlarla heç bir əlaqə yoxdur. “Change.org” saytında Makivkada ölən və yaralananların adlarının açıqlanması və bu məlumatların mətbuata çatdırılması tələbi ilə petisiya dərc olunub. Xəbərin dərci zamanı onu 200-dən çox adam imzalayıb.
“Layout” nəşri hazırda Makeevkada səfərbər olunanların şəhərdə olmaqdan qorxduqlarından yazıb. Səfərbər olunanlardan biri nəşrə “biz nə üçün mübarizə apardığımızı belə başa düşmürük”-deyə bildirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB