2015-ci ildə baş verən terror aktlarından sonra Tunisdə elan edilən Fövqəladə Vəziyyətin 2023-cü il yanvarın 30-dək uzadıldığı bildirilib.
SİA-nın xarici qaynaqlardan əldə etdiyi məlumata görə, rəsmi qəzetdə dərc olunan prezident fərmanına əsasən, dekabrın 31-də başa çatacaq fövqəladə vəziyyət rejimi 2023-cü il yanvarın 30-dək uzadılıb.
Xatırladaq ki, Tunisdə fövqəladə vəziyyət sonuncu dəfə prezident Kays Səid tərəfindən 18 fevral 2022-ci ildə ilin sonuna qədər artırılmışdı.
24 noyabr 2015-ci ildə paytaxt Tunisin Məhəmməd Hamis küçəsində Prezident Mühafizə Alayını hədəf alan bombalı hücumdan sonra ölkədə elan edilən bir aylıq fövqəladə vəziyyət sonradan bir neçə dəfə uzadılaraq illəri keçib.
Tunis Daxili İşlər Nazirliyi bu dövr ərzində təhlükəsizlik bölmələrinə məhkəmə icazəsi olmadan görüşlərin qadağan edilməsi, komendant saatı, axtarış elan edilməsi və mətbuata nəzarət kimi fövqəladə səlahiyyətlər verib.
Bütün xəbərlər Facebook səhifəmizdə
USD
EUR
GBP
RUB