"Amerika Birləşmiş Ştatları (ABŞ) daxil olmaqla qərb ölkələri Türkiyənin müdafiə sənayesində texnologiyasını almağa çalışırlar".
SİA-nın Türkiyə saytlarından əldə etdiyi məlumata görə, bunu Prezident Rəcəb Tayyib Ərdoğan Ərzurumda gənclərlə görüşündə deyib.
Türkiyenin mobillik sahəsində xidmət göstərən qlobal texnologiya markası TOGG-un istehsalının davam etdiyini vurğulayan Ərdoğan deyib:
"Ümid edirəm ki, bir neçə aydan sonra yollarımızda "TOGG"-un "Oltu" (Ərzurum şəhərinə məxsus qara kəhrəba) qara rəngini görməyə başlayacağıq."
Ərdoğan “Ölkəmiz donanmasının indiyə qədər gördüyü ən böyük hərbi gəmi olacaq “Anadolu”nu da gələn il istifadəyə buraxırıq. Yenə gələn il “Kızılelma” pilotsuz döyüş təyyarəmizin kütləvi istehsalına başlanılır və biz milli döyüş təyyarələrimizi anqardan çıxarırıq” ifadələrindən istifadə edib.
Dizaynı, istehsalı, montajı, proqram təminatı və sınaqları bütövlükdə yerli imkanlarla hazırlanmış "IMECE" peyki və "Türksat 6A"-nı kosmosa göndərəcəklərini vurğulayan Ərdoğan onu da deyib ki, “Beləliklə, kosmosdakı peyklərimizin ümumi sayını 10-a çatdırmış olacağıq. 2023-cü ilin birinci rübündə Qara dənizdə kəşf etdiyimiz 540 milyard kubmetr təbii qazı da evlərimizdə istifadə edəcəyik.
Ərdoğan 2023-cü ildə qabaqcıl texnologiyanın zirvəyə çatacağı bir dövrün, xüsusilə proqram təminatının ön plana çıxacağını və proqram texnologiyasında uğur qazananların ciddi mükafat qazanacağını bildirib.
Türkiyenin müdafiə sənayesində addımlar atdığını və bu həmlə ilə bütün diqqətin Türkiyəyə yönəldiyini vurğulayan prezident ABŞ başda olmaqla qərb ölkələrinin Türkiyənin müdafiə sənayesində texnologiyasını əldə etməyə çalışdığını, Türkiyənin bu sıçrayışı davam etdirəcəyini vurğulayıb.
Bütün xəbərlər Facebook səhifəmizdə
USD
EUR
GBP
RUB