NATO-nun Kosovodakı Beynəlxalq Təhlükəsizlik Qüvvələri (KFOR) Kosovonun şimalındakı vəziyyəti yaxından izlədiklərini bildirib. SİA bu barədə Tükiyə saytlarına istinad edir.
KFOR-un yaydığı bəyanatda Kosovonun şimalı da daxil olmaqla, ölkədəki hərbi mövcudluqların oktyabr ayından etibarən əlavə qüvvələrlə gücləndirildiyi vurğulanıb.
"Biz bütün iştirakçıların KFOR ilə sıx koordinasiyada işləməsini və bütün icmaların təhlükəsizliyini təmin etmək üçün təxribat xarakterli hərəkətlərdən çəkinmələrini gözləyirik. Biz tərəfləri Kosovoda təhlükəsizliyin və sərbəst hərəkətin təmin edilməsi üçün konstruktiv fəaliyyətə çağırırıq", - deyə bəyanatda vurğulanıb.
Serbiya prezidenti Aleksandar Vuçiç cümə axşamı yerli mətbuata verdiyi açıqlamada Serbiya ordusu və polisinin Kosovonun şimalına yerləşdirilməsi üçün KFOR-a müraciət edəcəklərini bildirmişdi.
Serbiyanın müdafiə naziri Miloş Vuçeviç də dünən KFOR-dan serb ordusu və polisini Kosovonun şimalına yerləşdirməyi xahiş etdiklərini ifadə etmişdi.
KFOR rəsmiləri Kosovo Dövlət Televiziyası RTK-ya verdikləri müsahibədə Serbiyanın belə tələbinin olduğunu təsdiqləyiblər və bu tələbi araşdırdıqlarını bildiriblər.
Bütün xəbərlər Facebook səhifəmizdə
USD
EUR
GBP
RUB