Dünyanın bir çox ölkəsinə uçuşlar həyata keçirən Türk Hava Yolları (THY) yeni növ koronavirus (Covid-19) epidemiyası səbəbindən uçuşları dayandırdığı Yaponiyanın paytaxtı Tokiodakı Narita hava limanına iki il fasilədən sonra yenidən bərpa edib. SİA bu barədə Tükiyə saytlarına istinad edir.
Dünən İstanbul Hava Limanından Yaponiyaya getmək üzrə havaya qalxan Boeing 787-900 tipli təyyarədəki sərnişinlər və kabin heyəti Narita hava limanında gül-çiçəklə qarşılanıb. Adı çəkilən hava limanına enən ilk uçaqda 275 sərnişin olub.
Tokionun şəhər mərkəzinə daha yaxın olan Haneda Hava Limanına həftənin hər günü uçan THY, Narita Hava Limanına həftədə 3 uçuş həyata keçirəcək. Narita uçuşlarının başlaması ilə THY-nın Tokio uçuşları həftədə 10-a çatıb. Ancaq Narita uçuşlarının gələcəkdə hər gün həyata keçirilməsi planlaşdırılır.
Bütün xəbərlər Facebook səhifəmizdə
USD
EUR
GBP
RUB