Türkiyə Prezidenti Administrasiyasının Kommunikasiya İdarəsinin rəhbəri Fahrettin Altun bildirib ki, Türkiyə qlobal böhranların həlli istiqamətində atdığı təşəbbüslərlə qəhrəmandır. SİA-nın əldə etdiyi məlumata görə, Altun İstanbulda keçirilən Türkiyə Milli Brendinq Forumunda çıxış edib.
Yeni nizama ehtiyacın dünyada çox daha yüksək səslə dilə gətirildiyini vurğulayan F.Altun deyib: “Qlobal sınaqlardan uğurla çıxan Türkiyə regional böhranların və qlobal münaqişələrin həllinə də öz töhfəsini verir. Türkiyə prinsipial xarici siyasəti ilə qlobal sülh və sabitliyin mərkəzi ölkəsi mövqeyində qərarlaşıb. Diplomatiyadan humanitar yardıma, sağlamlıqdan ətraf mühitə qədər qurduğumuz Türkiyə modelləri bu gün dünyaya nümunə oldu.
Türkiyə investisiyadan ticarətə, səhiyyədən təhsilə, davamlı enerjidən texnologiya və innovasiyaya, humanitar diplomatiyadan sülh vasitəçiliyi səylərinə qədər bütün sahələrdə güclü addımlar atmış regional güc və qlobal gücdür.
Türkiyə qlobal böhranların həlli üçün atdığı təşəbbüslərlə qəhrəmandır. Türkiyə məzlumun tərəfindədir, zalımın əleyhinədir. Türkiyə bəşəriyyətə xidmət göstərən dəyərlərin müdafiəçisidir.
Bütün xəbərlər Facebook səhifəmizdə
USD
EUR
GBP
RUB